03.22.71.17.00 contact@languepicarde.fr
Article 0
Sélectionner une page

Tertoutes pi tertous,

Ch’est l’troésième keup qu’no lette minsuelle ale est maiguerlote. Ch’coronavrimeu i nous a infreumé din nous masons pi, à msure, i nous a erténu fin lon ed nou ouvrage.

Mais ches coses is n’sont point dmeurées in rake. Gramint d’tecstes is ont té récrits, gramint d’vidéo is ont té foaites. Ches projets pour ech picard is ont continué d’avancher. Os ons amoutré, su nou plache d’arnitoèle, éne poaire ed jus qu’os ons erchu à chl’Agince. Qu’tous ches diseus, conteus, jueus, récriseus, pi zz’eutes, qu’is ont invoéïé quéque cose is seucht’t tertous ermerciés.

Achteure ech déconfinemint il est là, mais m’apinse qu’os n’pourrons quand meume point nous ervir si rade qu’os l’éroèmes voulu.

Si-chpindant, chl’Agince ale est toudi là pour foaire savoér quo qu’os foaisez, adon os pouvez nous invoéïer vous dates d’espectacs ou d’réunions dès qu’os zzes connoéchez

Chl’Agince, aveuc chl’aïude à l’Région d’ches Heuts d’France, chl’Etat pi ches Départémints, ale est là auchi pour vous assister. Adon, én’ téguez point si qu’os nn’avez bzon, i n’y éra toudi quéqu’un pour vous réponde.

Fin amiteusemint,

Anne Tiberghien Présidinte dé chl’Agince dé l’Région pour el langue picarde

 

À toutes et tous,

C’est la troisième fois que notre lettre mensuelle est maigrelette. Le coronavirus nous a enfermés dans nos maisons, et parfois, il nous a retenu éloigné de notre travail.

Mais les choses ne sont pas restées « embourbées ». Beaucoup de textes ont été écrits, beaucoup de vidéos ont été réalisées. Les projets pour le picard ont continué d’avancer. Nous avons publié sur notre site internet quelques jeux que nous avons reçus à l’Agence. Que tous les diseus, conteurs, concepteurs de jeux, auteurs et que tous ceux qui nous ont envoyé quelque chose soient remerciés.

Maintenant le déconfinement est là, mais à mon avis, nous ne pourrons pas nous revoir aussi tôt que nous l’aurions voulu.

Cependant, l’Agence est toujours là pour faire connaitre vos activités. Vous pouvez nous envoyer vos dates de spectacle ou de réunion dès que vous les connaissez.

L’Agence, avec l’aide de la Région Hauts-de-France, de l’Etat et des Départements, est également là pour vous aider  Alors, n’hésitez pas si vous en avez besoin, il y aura toujours quelqu’un pour vous répondre.

Très amicalement,

Anne Tiberghien, Présidente de l’Agence régionale de la langue picarde.